Мактаби таҳсилоти миёнаи умумӣ дар шаҳри Хуҷанд мақоми мактаби Президентӣ барои хонандагони болаёқат касб намуд
Нашр шуд. Ҷум, 17/11/2017 - 16:15
Мактаби нави таҳсилоти миёнаи умумӣ дар маҳаллаи Темурмалики шаҳри Хуҷанд мақоми мактаби Президентӣ барои хонандагони болаёқат касб намуд. Ин пешниҳод имрӯз аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ифтитоҳи он зикр гардид.

Дар рӯзи дуюми сафари корӣ дар шаҳру ноҳияҳои вилояти Суғд Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҳаллаи 20-уми шаҳри Хуҷанд Маҷмааи миллии «Маркази Оши палов»-ро дар вазъияти тантанавӣ ифтитоҳ намуданд.



