Ахбор

Тибқи иттилои Хадамоти гумруки назди Ҳукумати Ҷумҳурии Тоҷикистон, соли 2022 ба ҷумҳурӣ 767 адад электромобил ворид гардид, ки ин нисбат ба соли 2021 (47 адад) 720 адад зиёд аст.

Сабаби афзоиши босуръати воридоти электромобил ба Тоҷикистон дар чист?

Барои пайдо кардани посух ба ин савол хабарнигори АМИТ «Ховар» ин мавзуъро пайгирӣ намуд.

Дабири кулли СММ ҷомеаи ҷаҳонро даъват намуд, ки ба истифодаи нақлиёти барқӣ гузаранд

Имрӯз дар маркази ҷумҳуриявии таълимӣ-методии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз номи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба наҷотдиҳандагони тоҷик баъди бозгашт аз Туркия мукофотҳо тақдим карда шуд. Дар ин хусус ба АМИТ «Ховар» дар Кумитаи ҳолатҳои фавқулода ва мудофиаи гражданӣ хабар доданд.

Аз номи Сарвари давлат ба наҷотдиҳандагон Сарвазири мамлакат Қоҳир Расулзода мукофоту рутбаҳои ҳарбӣ, ҳамчунин сипосномаҳои кумитаи ҳолатҳои фавқулода ва мудофиаи гражданӣ ва медалҳои соҳавӣ тақдим намуд.

Тазаккур дода шуд, ки наҷотдиҳандагони тоҷик дар Туркия вазифаи наҷоти ҷони одамон ва расонидани ёрии саривақтӣ ба аҳолии осебдидаро пурра иҷро намуданд ва аз уҳдаи ин кор ба хубӣ баромаданд.

Дар ин рӯз Сарвазири мамлакат ҳамзамон бо фаъолияти Маркази таълимии кумитаи ҳолатҳои фавқулода ва мудофиаи гражданӣ ва  синфхонаву ҳуҷраҳои кории он шинос шуд.

Имрӯз ширкати чехии «LET Aircraft Industries» дар ҳамбастагӣ бо Ширкати ҳавопаймоии «Сомон Эйр» дар Фурудгоҳи байналмилалии Душанбе ҳавопаймои L410 NG-ро муаррифӣ намуд, иттилоъ медиҳад АМИТ «Ховар» бо истинод ба «Сомон Эйр».

Дар муаррифӣ намояндагони «LET Aircraft Industries» оид ба имконияти техникии ҳавопаймо ба хабарнигорон маълумот доданд. Баъдан намояндагони расмӣ, роҳбарони корхонаҳои авиатсионӣ ва хабарнигорон ба парвози намоишӣ даъват гардида, дар ҷараёни парвоз бо кори ҳавопаймои истеҳсоли Чехия шинос шуданд.

Ширкати ҳавопаймоии «Сомон Эйр» дар айни замон имконоти гуногуни тавсеаи парки ҳавоймоии худро барои иҷрои парвозҳои дохилӣ ва минтақавӣ баррасӣ менамояд ва ҳавопаймои L410 NG яке аз пешниҳодҳои баррасишаванда мебошад.

Ёдовар мешавем, ки қаблан ҳайати Ширкати ҳавопаймоии «Сомон Эйр» аз корхонаи «LET Aircraft Industries»-и Чехия боздид намуда буд. Мақсади сафар шиносоӣ бо раванди истеҳсоли ҳавопаймои L410 NG ва ҳамчунин баррасии масъалаҳои омодасозии кадрҳои техникӣ ва парвозии ширкати ҳавопаймоӣ буд. Ҳайати ширкати «Сомон Эйр» ҳамчунин бо намояндагони ширкатҳои содиротӣ – «Czech Export Agency» ва Корпоратсияи «Export Guarantee & Insurance» оид ба масъалаҳои маблағгузории хариди эҳтимолии ҳавопаймоҳо вохӯриҳо анҷом дод.

Соли 2022 бо мақсади ҷалби ҳарчӣ бештари сармоя дар шаҳри Хоруғ Форуми байналмилалии сармоягузории «Помир-Инвест» доир гардид, ки дар натиҷа ҷиҳати рушди соҳаҳои гуногуни вилоят ба маблағи қариб як миллиард сомонӣ шартномаҳо ба имзо расиданд, ки ин бесобиқа мебошад. Ин матлабро роҳбарияти Вилояти Мухтори Кӯҳистони Бадахшон 25 феврал зимни нишасти матбуотӣ ба хабарнигорон иттилоъ дод.

Тазаккур дода шуд, ки то имрӯз дар чаҳорчӯби ин шартномаҳо 12 лоиҳа ба маблағи 160 млн сомонӣ амалӣ гашта, дар 7 лоиҳа ба маблағи 665 млн сомонӣ корҳо идома доранд.

Иҷрои нақшаи буҷети маҳаллӣ аз рӯи даромадҳои худӣ ба андозаи 107,7 фоиз ва қисми хароҷоти буҷет дар соли ҳисоботӣ ба андозаи 98,4 фоиз таъмин карда шуд. Ҳамаи уҳдадориҳои давлатӣ оид ба сари вақт пардохт намудани музди меҳнат, нафақа ва дигар намудҳои пардохтҳои ҳифзи иҷтимоии аҳолӣ пурра иҷро гардиданд. Пасандозҳои шаҳрвандон дар филиалҳои бонкҳои вилоят нисбат ба соли 2021 2,2 фоиз афзоиш ёфта, ба 378 миллиону 11 ҳазор сомонӣ баробар гардид.