Activities calendar

19 май дар доираи сафари расмии Президенти Ҷумҳурии Қазоқистон Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва меҳмони олимақом Сарвари ҷумҳурии дӯсти Қазоқистон муҳтарам Қосим-Жомарт Токаев бо мақсади шиносоӣ бо имкониятҳои рушди соҳаи сайёҳӣ ба бӯстонсаройи беруназшаҳрӣ, воқеъ дар ноҳияи Варзоб ташриф оварданд

Шароити ваҳдату ҳамбастагӣ ва суботи устувор, рушди мунтазам, тақвияти бахши хусусӣ ва бунёди инфрасохтори васеи иқтисодӣ, сайёҳӣ ва иҷтимоӣ дар ватани маҳбубамон барои мавҷудияти неруи сиёсие чун ҳизби диннӣ зарурате боқӣ намондааст. Мавҷудияти созмоне мисли Ташкилоти терористии эктремистии Њизби наҳзати исломӣ барои оромии ҷомеаи шаҳрвандӣ дар Тоҷикистон хатарнок аст.

Насли ҷавони кишвар аллакай оид ба таърихи пайдоиш ва хиёнатҳои ин ҳизб маълумоти фарогир дорад, аҳдофи шумаш бозгў гардидааст, зарфият, иқтидори фикрӣ, кадрӣ ва ҳайсияти он ба чанд далели амалҳои терористии ин гурўҳ солҳои охир дар қаламрави кишварамон «вақт довар» буданро нишон дод.

Нимаи дуюми рӯзи 19 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Фурудгоҳи байналмилалии Душанбе Президенти Ҷумҳурии Қазоқистон муҳтарам Қосим-Жомарт Токаевро, ки бо сафари расмӣ ба Тоҷикистон ташриф оварданд, гарму самимӣ истиқбол гирифтанд.

19 май дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳбарони ҳайатҳо — иштирокчиёни ҷаласаи Шӯрои вазирони корҳои хориҷии давлатҳои аъзои Созмони Аҳдномаи амнияти дастаҷамъиро ба ҳузур пазируфтанд.

Дар мулоқот рафти иҷрои Нақшаи чорабиниҳо оид ба татбиқи қарорҳои ҷаласаи Шӯрои амнияти дастҷамъӣ ва афзалиятҳои раёсати ҷониби Тоҷикистон дар Созмони Аҳдномаи амнияти дастҷамъӣ мавриди баррасӣ қарор қарор гирифт.

Дар ин зимн, аз ҷумла ҷаласаҳои Шӯрои вазирони мудофиа ва Кумитаи котибони шӯроҳои амнияти кишварҳои аъзои Созмони Аҳдномаи амнияти дастҷамъӣ, ки моҳи апрели соли равон дар шаҳри Душанбе баргузор шуданд, қайд карда шуд.

19 май Президенти Ҷумҳурии Тоҷикистон Эмомалӣ Раҳмон ҳайати Бонки ҷаҳониро таҳти сарварии ноиби президент Анна Бйерде, ки бо сафари корӣ дар кишвари мо қарор дорад, ба ҳузур пазируфтанд. Пас аз мулоқот ноиби Президенти Бонки ҷаҳонӣ оид ба минтақаи Аврупо ва Осиёи Марказӣ Анна Бйерде дар брифинг барои намояндагони ВАО-и маҳаллӣ ва хориҷӣ ширкат варзид.

19 май дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ноиби президенти Бонки ҷаҳонӣ хонум Анна Бйердеро ба ҳузур пазируфтанд.

Дар мулоқот масоили ҳамкории кунунӣ ва дурнамои робитаҳои Тоҷикистон бо Бонки ҷаҳонӣ мавриди баррасӣ қарор дода шуд.

Президенти мамлакат муҳтарам Эмомалӣ Раҳмон аз сатҳи ҳамкории дуҷониба, аз ҷумла аз тарафи Бонки ҷаҳонӣ давоми 28 соли шарикӣ маблағгузорӣ шудани 100 лоиҳа дар соҳаҳои мухталиф, ба маблағи умумии 2,1 миллиард доллари америкоӣ, изҳори қаноатмандӣ карданд.

Вазири корҳои хориҷии Россия Сергей Лавров чоршанбе, 19 май дар ҷаласаи Шӯрои вазирони корҳои хориҷии Созмони Аҳдномаи Амнияти Дастаҷамъӣ (СААД) ширкат хоҳад кард. Сергей Лавров шоми дирӯз бо сафари расмӣ ба Тоҷикистон, ки раёсати СААДро соли равон бар дӯш дорад, ташриф овард, иттилоъ медиҳад ТАСС.

Ҷаласаи Шӯрои вазирони СААД пас аз

17-уми майи соли 2021 раиси Кумитаи телевизион ва радиои назди Ҳукумати Ҷумҳурии Тоҷикистон Нуриддин Саид бо сафири Фаронса дар Ҷумҳурии Тоҷикистон Мишел Тарран мулоқот намуд.

Зимни суҳбат ҷонибҳо ҳамкории Тоҷикистону Фаронса дар соҳаи телевизион ва радио ва омодагӣ ба Рўзҳои фарҳанги Ҷумҳурии Тоҷикистон дар Ҷумҳурии Фаронсаро мавриди баррасӣ қарор доданд.

Ҷонибҳо барои ҳамкорӣ дар самти бозомўзию табодули таҷрибаи кормандон, инчунин, бартараф намудани мушкилоти техникии пахши барномаҳои шабакаҳои телевизионию радиоӣ ибрози назар намуданд.